සුදුමැලි මුහුණ ,ඉරුණු මේස්...වත්සුණු තැවරුණු කම්බුල් සිපගන්න වයසක දරුණු මනුස්සයෙක්. රළු දවසක්..ජීවිතය ගැටගහගන්න දරන උත්සහයක්..සමාජයට තවත් එක් ගණිකාවක්...

     -යුක්තානුව -

     -zygote-

                                                                ©prabhash_Rajapaksha

තරගය,

මානසික තෙරෙපුම මත දිවෙන

විකාරරුපි පසුබිම් මත ඇදුනු චිත්‍රය

අවසානයට පෙර නිමක් නොවන  කඩයිම...

           - යුක්තානුව -

           - Zygote -

                                                             ©prabhash_Rajapaksha

තනිකම අර්ථදක්වන්නට ගන්නා උත්සාහය තනිකම මකා ගැනීමට කරනා වෑයමකි.ගොඩනැගිලි අතර සිරඋන ජීවිතය පසුකර නිමක් නොපෙනෙන තැනිතලා කෙත්වතු දෙස බලාගෙන සිටීමට දකින සිහින ජීවිතයට බලාපොරොත්තුවක් දෙනමුදු මාගේ තනිකම කාන්සිය වැඩි කරයි.

තබන පියවර විශ්වාස නමුදු,එය මාගේ ජීවිතයේ නිවැරදි තීරනයදයි තනිකම ඇති විටදී මම කල්පනාකරයි...

මදුවතින් තනිකම මකාගැනීමට උත්සහ නොකර කොපි කෝප්පයකින් හා දුම්කුරකින් තනිකම මකාගැනීමට උත්සහ කීරීම ගැන මම සතුටුවෙමි.කොපි කෝප්පය සහ දුම් කුර ලබාදෙන තාවකාලික සහනයට මම ඉස්තුතිවන්ත වෙමි

                         

      -යුක්තානුව-

     -Zygote- 

                                                             ©prabhash_Rajapaksha 

12.08.15

දයාබර දුම්කුර,
  ඔබ මට ඇතිකරන බලපෑම මම දනිමි .එනමුත් මම තව තවත් ඔබට පෙම් බදිමි.විවේකයද කන්සියද ඔබගෙන් නැතිකර ගැනීමට උත්සහ කිරීම මෝඩ කමක් බව මම දනිමි.එනමුත් මම තව තවත් ඔබට පෙම් බදිමි.
     අතොරක් නොමැතිව ඔබ බිලිගත් ජීවිත දෙස ඔබ කෙසේ බලන්නේදැයි මම නොදනිමි.සමාජය ඔබට කෙතරම් ෙවෙර කරන්නේදැයි මම දනිමි,මම දකින්නෙමි,මට ඇසෙන්නෙමි.නමුත්,එම සමාජය තුලම ඔබට පෙම් බදින එක් අයෙකි මම.

                                                   -යුක්තානුව-
                                                     -Zygote-  13.08.15

මම කාව තේරුම් ගන්නදැයි සිතමින් ලතවෙන්නෙමි.කිමද වරෙක අයෙක් තමා ගැන විශ්වාස කරන්න යැයි කියනා අතර තවත් වරෙක තව අයෙක් විශ්වාස කරන්න යැයි පවසයි.ප්‍රශ්නයකට පිළිතුරක් සොයන්නා හට එම ප්‍රශ්නයට ලැබෙන පිළිතුර පිලිබදව ප්‍රශ්නයක් ඇති උන විට ප්‍රශ්නය නිරාකරණය උවද, එය තවත් ප්‍රශ්නයක් ඇති කර අවසානය.සැම විටම ප්‍රශ්නයකට පිළිතුර ලැබෙන්නේ ප්‍රශ්නයකින්ම වීම අහම්බයක් ද නැතහොත් තවත් ප්‍රශ්නයක්දැයි මම ප්‍රශ්න කරන්නෙමි.....
                                                          - යුක්තානුව - 
                                                 ©prabhash_Rajapaksha

අතීතය අතීතයම විය,

වර්තමානය සකස් කරගන්මින් 

අනාගතය පොදිබදින්නට පටන් ගත්තෙමි...

නමුදු,

අතීතය වර්තමානය හා මුසුව 

අනාගතය සකස් කර අහවරය....

       -යුක්තානුව -

                                                               ©prabhash_Rajapaksha

                                                                   - මිනිස්සු සහ හීන -

මිනිස්සු පොඩියට හීන දකින්න පටන් අරගෙන පස්සේ ලොකු ලොකු හීන පස්සේ දුවන කොට්ටාශයක් .හීන හැබෑ නොවුනහම තමන්ට බනිනවා තරහා ගන්නවා .පොඩියට පොදි බැදපු හීනවලට ලොකු අර්ථයක් දෙන්න හදනවා...සරල ජීවිත සංකීර්ණ හීන එක්ක පටලගන්න හදනවා...සරල බවෙන් ජීවිතය මිදුනහම හීන වලට බනිනවා සරල ජීවිතය නැති කරා කියලා...හීන මිනිසෙක්ව ජීවත් කරවනවා මිනිසෙක්ට බලාපොරොත්තුවක් ලබාදෙනවා...අහේතුකවම මිනිස්සුන් හීන දකිනවා..හීන බලාපොරොත්තු වෙනවා.එක හීන දකින මිනිස්සුන්ගේ හැටි. සරලවම හීන ජීවත් වෙනවා..මිනිස්සුන් තුල. නමුත් මිනිස්සු හීන තුල ජීවත් වෙනවා.

  - යුක්තානුව -

©prabhash_Rajapaksha

                                     - මිනිසුන් දකින දේ සහ සිතන දේ පිළිබද සත්‍ය -

මිනිසුන් සිතනවා ඔවුන් දකින දේ ගැන..ඔවුන් එය දකින්නේ ඔවුන්ට දකින්න අවශ්‍ය ලෙස නොවෙයි..එයයි මිනිසුන් දකින දේ පිළිබද සරලම සත්‍ය..ඔවුන්ට ඔවුන් දකින දේ පිලිබදව, ඔවුන් සිතන විදිහට දකින්නට අවශ්‍ය විට ඔවුන් එය කෙසේ හෝ ඔවුන්ට අවශ්‍ය විදිහට දකිනවා.ඔවුන් ඒ සදහා තමන් සතු සියලුම දේ, යොදවන්න කැමතියි.. ඔවුන්ට වැදගත් වෙන්නේ තමන් නිවැරදි යයි මිනිසුන් සිතනවාටයි
                                                            -යුක්තානුව -
                                                    ©prabhash_Rajapaksha